Маршрут пабудаваны!

21 мая ў БДУЗМ у рамках правядзення Адзінага дня інфармавання адбылася сустрэча на тэму «Трэнды і новыя напрамкі развіцця турызму ў Беларусі». Спікерам выступіў Сухоцкі Мікалай Мікалаевіч, намеснік дырэктара па навуковай і інавацыйнай рабоце Інстытута сацыялогіі НАН Беларусі, кандыдат сацыялагічных навук, дацэнт.

У ходзе свайго выступлення Мікалай Мікалаевіч звярнуў увагу аўдыторыі на актуальнасць і імклівае развіццё сферы турызму ў Рэспубліцы Беларусь. Былі закрануты такія тэмы, як: перспектыўнасць сферы турызму ў эпоху лічбавых тэхналогій, роля студэнтаў ІНЯЗа ў развіцці турызму, а таксама зняцце з Беларусі статусу «Terra Incognita». Асаблівая ўвага была нададзена розным відам турызму на тэрыторыі краіны, імкліваму росту колькасці замежных турыстаў і перспектывам развіцця сферы турызму ў бліжэйшай будучыні. Акрамя гэтага, была адзначана важнасць фарміравання пазітыўнага вобраза Беларусі ў вачах замежнікаў і прасоўвання беларускай культуры за мяжой.

Сустрэча прайшла ў фармаце адкрытага дыялогу, паміж спікерам і аўдыторыяй усталявалася жывая дыскусія. Членам інфармацыйна-прапагандысцкай групы і студэнтам было асабліва цікава даведацца пра малавядомыя для шырокай аўдыторыі турыстычныя славутасці, а таксама запатрабаваныя кваліфікацыі ў сферы турызму.